Лідзкі бровар... Нават і казаць нічога ня хочацца... Гэта ўжэ другі выпадак, калі шаноўныя лідчукі частуюць нас чэмпіёнамі іншае краіны... Улічваючы колькасьць розных каманд, парамагаўшых у футбольных чэмпіянатах СССР, Расеі ... Украіны, Латвіі ... Мазамбіка, Гаіці, Банглядэш - лідзкі бровар забясьпечаны заказамі на бліжэйшыя некалькі сотняў год.
А ці не надыйшоў час замовіць на беластоцкім бровары 'Дойліды' піва 'BATE - the champion !' ?

Трэці медаль на этэкетках Лідзкага Клясічнага зьявіўся раней, але раней гэты варыянт на 'фірмовых' вертыкальных этыкетках мне не трапляўся.

Падобна, Бабруйскі бровар вырашыў дадаць свой шэляг да юбілею Пушкіна - гэта была першая думка, якая зьявілася пасьля першага позірку на малюнак. А  самое піва, як зазвычай бывае ў Бабруйску, смакуе добра.

Як патлумачыў мой сябар - Белы бераг - месца адпачынку і купаньня ў Бабруйску. Цікава, там вада колеру гэтага піва, ці наадварот, гэтае піва мае смак тамтэйшае вады?

Пасьля першай разгубленасьці ад такой назвы (нават была думка што гэта піва зваранае ў Піцеры ці дзе-небудзь каля Чорнага мора) уважліва агледзеў этыкетку і знайшоў сувязь паміж Нахімавым і Бабруйскам. Адрас бровару - вул.Нахімава - 1 ! Чаму раптам вуліца так называецца - гэта ўжэ зусім іншая размова...

Вось як проста! На этыкетку дадаецца слова 'аматарскае', лепіцца лэйба расейскага стандарту - і чарговы 'шэдэўр' гатовы!

Вось цікава - няўжэж чыноўнікі сапраўды думаюць, што калі зрабіць усе надпісы па-расейску і пры кожнай магчымасьці дэманстраваць сваю любоў да прыдуманага сёньняшнімі ўладамі 'беларускага' сьцягу, то працаваць стане лягчэй, а піва будзе смачнейшым?

Барон зноўку перанес невялічкую плястычную апэрацыю. Але смак, здаецца, не пагоршыўся. А яшчэ зьявіўся пералік кампанэнтаў - зноў рыс...

Дызайнеры, якія зрабілі дызайн сэрыі этыкетак Крыніца 1-4, крытыкаваліся ўжэ шмат разоў. Новы варыянт больш 'смачны', адразу запамінаецца і лёгка пазнаецца, але калі іншыя этыкеткі серыі таксама будуць зробленыя з выкарыстаньнем любімых лізаблюдамі чырвона-зялёных колераў... А піва было прыстойнае - як заўсёды бывае з першымі партыямі новых гатункаў на 'Крыніцы'   :))

А вось і кандыдат на самую 'аніякую' эткетку года. Нажаль канкурэнцыя ў гэтае намінацыі вельмі вялікая, але, думаю, месца сярод пераможцаў для гэтае сэрыі этыкетак гарантаванае. А вось чым само піва з нумарам 2 адрозьніваецца па смаку ад такога ж з нумарам 1 - так і не зразумеў...